Sumukong mga user at pusher umabot na ng mahigit kalahating milyon ~ News BuZZ

Thursday, August 4, 2016

Sumukong mga user at pusher umabot na ng mahigit kalahating milyon

Umaabot na sa mahigit kalahating milyon ang boluntaryong sumuko na mga drug users at pushers sa buong bansa mula ng maupo sa puwesto si Pangulong Rodrigo Duterte.

Ito ay batay sa datos na inilabas ng Philippine National Police mula July 1 hanggang Agosto 3 ng taong kasalukuyan. Batay sa data ng PNP, pumalo na sa 572,156 na ang sumuko na mga drug personalities. Habang 5,735 na mga drug suspects ang naaresto ng mga awtoridad.

Kaugnay nito, umaabot na rin sa 420 ang bilang ng mga napapatay na drug personalities sa pinaigting na anti-drug operations ng pulisya. Hindi pa kasama sa bilang ang mga natatagpuang patay na may nakasabit na karatula o mga hinihinalang biktima ng extra judicial killings.