Quezon City Mayor Herbert "Bistek" Bautista Pumalag

Pumalag at sinagot ngayon ni Quezon City Mayor Herbert Bautista ang mga alegasyon sa kanya sa kasong isinampa ng Volunteers Against Crime and Corruption (VACC).

ADVERTISEMENT

Sa kanyang pahayag mula sa Oslo, Norway ay sinabi ni Bautista na isang malaking kalokohan ang iugnay siya sa illegal drug trade.

Posible umanong iniugnay siya sa droga dahil dalawa sa mga naginmg district director ng Quezon City Police District (QCPD) ang nasangkot sa illegal drugs sa katauhan nina Dir. Joel Pagdilao at CSupt. Edgardo Tinio.

Nilinaw din ng opisyal na wala siyang kapangyarihan sa pagpili ng mga pinuno ng QCPD dahil nagmumula ang appointment ng mga ito sa pamunuan ng Philippine National Police (PNP).

Ipinagmalaki rin ni Bautita na kilala siya bilang taga-sulong ng laban kontra sa iligal droga at itoay kanyang pinasimulan noong siya’y labing-pitong taong pa lamang bilang opisyal ng Kabataang Baranggay na ngayon ay kilala sa tawag na Sangguniang Kabataan.

Aminado naman ang alkalde na nasaktan siya nang masangkot sa droga ang kanyang kapatid na si Quezon City Councilor Hero Bautista.

SPONSOR

Sa mga bumabatikos kung bakit hindi niya kinastigo sa harap ng publiko ang kanyang kapatid, ipinaliwanag ni Bautista na may sarili namang pag-iisip na ang 48-anyos na konsehal.

Idinagdag pa ni Bautista na nakahanda siyang sumailalim sa imbestigasyon para lamang patotohanan na wala siyang kaugnayan sa kahit anumang sindikato ng droga sa bansa.

Source: kapinoy

Share this story!

Visit and follow our website: Duterte News Global

© Duterte News Global

Loading...